Topografía e catastro
En Proxectea realizamos traballos de topografía vinculados á regularización catastral e rexistral de parcelas e edificacións. Encargámonos de todo o proceso, desde o levantamento topográfico inicial ata a coordinación final entre Catastro e Rexistro da Propiedade.Os nosos servizos inclúen:
- Medición de límites, desniveis e superficies de fincas.
- Elaboración de planos e arquivos xeorreferenciados.
- Regularización de parcelas e construcións.
- Corrección de erros de superficie ou lindeiros.
- Coordinación entre Catastro e Rexistro.
- Elaboración de arquivos GML.
- Asesoramento en particións hereditarias.
- Valoracións de inmobles para inventarios.
Axudamos a resolver situacións complexas, como fincas sen rexistrar, herdanzas sen dividir ou discrepancias entre a realidade física dunha propiedade e a información que figura nos organismos oficiais.
Arquitectura
Deseñamos proxectos de arquitectura personalizados para vivendas unifamiliares, actividades e transformación de espazos. Adaptamos cada proposta ás características da finca, ao orzamento dispoñible e á normativa aplicable.
O noso proceso de traballo inclúe:
- Entrevista inicial para coñecer as necesidades do cliente.
- Visita á parcela e análise do contorno.
- Estudo da topografía, orientación e condicionantes urbanísticas.
- Elaboración dunha proposta esquemática.
- Presentación dun orzamento detallado.
- Tramitación das licenzas de obra.
- Dirección e supervisión da obra.
En Proxectea podemos ocuparnos de todas as fases previas ao proxecto, incluíndo aceptacións de herdanzas, inscricións, matriculacións de fincas e xestións rexistrais.
Durante a execución, supervisamos a calidade dos traballos e o cumprimento dos criterios técnicos. Non contratamos directamente a construtora, pero podemos recomendar empresas de confianza.
Autorizacións ambientais
Tramitamos as autorizacións ambientais necesarias para desenvolver proxectos e actividades que interactúan co medio natural. Preparamos a documentación técnica e administrativa e realizamos o seguimento dos expedientes ante os organismos competentes.
Xestionamos expedientes relacionados con:
- Traídas de auga.
- Captacións e redes de abastecemento.
- Legalización de pozos.
- Solicitude de novas perforacións.
- Usos domésticos, agrícolas ou gandeiros da auga.
- Verteduras de augas residuais.
- Obras en contornos protexidos.
- Actuacións sobre bens catalogados.
- Accesos, peches e construcións próximas a estradas.
- Autorizacións de patrimonio.
- Autorizacións de estradas.
Tamén nos encargamos da constitución legal e da xestión administrativa de comunidades de regantes e comunidades de usuarios de auga.
Elaboramos expedientes completos para reducir requirimentos adicionais e mantemos o cliente informado sobre o estado da tramitación e os prazos administrativos.
Deseño de interiores
Realizamos proxectos de deseño de interiores para vivendas, oficinas e locais comerciais. Estudamos a distribución dos espazos para mellorar a súa funcionalidade e aproveitar cada recuncho.
O servizo comprende:
- Recollida de ideas e necesidades.
- Elaboración dun bosquexo inicial.
- Redistribución de estancias.
- Creación de modelos dixitais en 3D.
- Renderizados hiperrealistas.
- Asesoramento sobre materiais e acabados.
- Selección de mobiliario e texturas.
- Elaboración dun orzamento detallado.
Os modelos 3D e os renders permiten visualizar o resultado antes de iniciar a obra, comparar distintas combinacións e tomar decisións sobre a estética, os materiais ou o mobiliario.
Adaptamos o deseño ao orzamento e ás condicións concretas do inmoble, advertindo cando unha solución non resulta viable.
Tramitación documental
Xestionamos trámites documentais ante notarías, Rexistro da Propiedade e Catastro. Preparamos a documentación técnica e xurídica necesaria e coordinámonos coas institucións para axilizar cada procedemento.
Encargámonos de:
- Xestións ante notaría.
- Inscricións no Rexistro da Propiedade.
- Actualizacións catastrais.
- Compravendas de inmobles.
- Herdanzas e sucesións.
- Cambios de titularidade.
- Regularizacións previas á venda.
- Corrección de erros de titularidade.
- Corrección de superficies e lindeiros.
Nas compravendas revisamos previamente a situación do inmoble para detectar cargas, discrepancias ou erros que poidan atrasar a operación.Nas herdanzas xestionamos o cambio de titularidade, a partición dos bens e a inscrición rexistral definitiva.Tamén poñemos ao día a situación legal das propiedades antes da súa venda, evitando problemas que poidan afectar unha taxación, unha hipoteca ou a formalización da operación.